Kiel iĝi instruisto?

La homo, kiu lernas lingvojn kaj arde kaj kun intereso rakontas pri ĝiaj specifaĵoj aŭ tiu kiu volas prezenti kulturon de la propra lando pere de lingva prezento. Migrulo, kiu malfermas pordon al mondo de alia kulturo, por mallonga momento de prezento li povas fariĝi via instruisto. Ĉu vi rekonas vin mem en mia priskribo? Ĉu vi deziras esti instruisto de la festivalo? Do, ni jam longe atendas renkonton kun vi!

Vojaĝo estas longa procezo kaj ĝi bezonas antaŭpreparon. Ĉi-sube mi prezentas al vi mallongan informon pri eventuala enhavo de via prezento.

Rekomendoj pri enhavo de prezento:

  • Arealo de disvastiĝo (prefere havi mapon aŭ desegni ĝin sur la tabulo). Kiuj popoloj parolas en tiu lingvo. Mallonge pri parencaj lingvoj. Se eblas (sed ne nepre) kelkaj vortoj pri historio de la lingvo).
  • Alfabeto (pli bone havi afiŝon aŭ skribi ĝin sur tabulo antaŭ la prezento).
  • Elparolo (ekzemploj de diversaj literlokoj en vortoj, literkunmetaĵoj).
  • Vortfarado (sufiksoj, prefiksoj, interesaj ekzemploj).
  • Gramatikaj kategorioj (kiom da tempaj formoj, ĉu estas kazoj, deklinacio je genroj).
  • Kiel diri “Saluton”, “Mi amas vin”, “Kiel vi fartas?”, “Dankon”, “Ĝis revido”.
  • Prezenti prononcmanieron de la lingvo (monologo, legado fragmento el literatura verko, poemo, kanto – eblas uzi kasedilon aŭ diskilon, sed sufiĉe anticipe necesas interkonsenti por havi ĝin).
  • Petu al spektantoj repeti frazojn, kune kanti ktp. (la tekstoj devas esti pretaj anta?e en printita formo).
  • Rakonti pri kulturo de la lando kie oni parolas tiun lingvon.
  • Lasi iom da tempo por demandoj.

Lingvan prezenton vi povas fari en la formo oportuna por vi kaj se la tempo permesos – aliajn informojn pri la lingvo laŭ via bontrovo.

Helpa materialo:

Antaŭ kaj post la prezento vi povas uzi nacian muzikon. Allogi partoprenantojn de la Lingva Festivalo por via prezento povas helpi antaŭe aranĝita lernoĉambro, tio povas esti atributoj de via lando – flago, afiŝoj kun bildoj de via lando, blazono. La sperto montras ke instruisto en nacia vesto kaj ofertanta bongustaĵojn estas ĉiam sukcesa varianto! Kun plezuro mi rememoras la guston de pakistanaj dolĉaĵoj, tamburludon kiu vokis al prezendo de la nepala lingvo kaj flamaj kaŭkaziaj dancoj dum prezento de la ĉeĉena.